Хеҙмәте лайыҡлы баһаланды

Зәһүрә Сәғәҙәт ҡыҙын районда үҙ эшенең ысын оҫтаһы, тәжрибәле етәксе һәм йәмәғәт эшмәкәре булараҡ яҡшы беләләр.Ун һигеҙ йыл мәктәп директоры булып  эшләү осоронда ул етәкләгән коллектив яҡшы һөҙөмтәләргә ирешә, белем һәм тәрбиә биреү процесында алдынғы тәжрибәгә таянып эшләй.

Педагогик эшмәкәрлегендә өлгәшкән ҡаҙаныштары өсөн Зәһүрә Ҡаһарманова БР Мәғариф һәм фән министрлығының Почет грамотаһына лайыҡ булды.Награданы танылған педагог һәм йәмәғәт эшмәкәре, яҙыусы А.Тажетдиновтың тыуыуына 85 йыл тулыуға арналған хәтер кисәһендә БР Дәүләт Йыйылышы - Ҡоролтай Рәйесе урынбаҫары Илшат Тажетдинов тапшырҙы.