Әйҙәгеҙ, диктант яҙырға!

12 декабрҙән 14-нә тиклем Башҡорт теле көнө уңайынан Уҡытыусы һәм остаз йылына арналған «Аҡмулла диктанты» акцияһы ойошторола. Быйыл диктант дүртенсе тапҡыр үткәрелә, тип хәбәр иттеләр Башҡортостандың Мәғариф һәм фән министрлығынан.

Акция https://bashdict.ru/ онлайн уҙғарыла.

«Диктантта ҡатнашыусыларҙың йәше, белеме, социаль хәле, дине һәм гражданлығы мөһим түгел, башҡорт һәм рус телдәрен белергә кәрәк. 2022 йылда 17 меңдән ашыу кеше диктант яҙҙы», - тип белдерҙеләр министрлыҡта.

Унда 30 тест эше: М. Аҡмулланың һәм уның замандаштарының тормошо һәм ижады тураһында 10 һорау, башҡорт теле һәм әҙәбиәте уҡытыусыларының ғилми-методик һәм педагогик эшмәкәрлеге хаҡында 10 һорау, нәфис әҙәбиәттә һәм сәнғәттә уҡытыусы образы тураһында 10 һорау бар.

Диктант өсөн иң юғары баһа - 100 балл. Эштәрҙе башҡарыуға бер сәғәт ваҡыт бирелә.

Диктант йомғаҡтары буйынса ҡатнашыусыларға һөҙөмтәләр яҙылған сертификат тапшырыла.

Туған телдәрҙе өйрәнеү һәм уларҙы үҫтереү "Мәғариф" милли проектына индерелгән.