Подполковник званиеһы бирелде

«Башҡортостан» мотоуҡсылар полкының Таһир Күсимов исемендәге батальон командиры «Сенсей» позывнойлы майорға подполковник званиеһы бирелгән. Был хаҡта «Башҡорт батальоны» телеграм-каналы хәбәр итә.

«Һеҙ был званиеға лайыҡ. Алда әле беҙҙе күп эштәр көтә. Һеҙ яҡшы офицерҙарҙың береһе. Киләсәктә лә шулай булһын, еңеүгә ынтылайыҡ, һалдаттарыбыҙ тураһында хәстәрлек күрәйек. Берҙәмлектә - көс», — тигән һүҙҙәр яңғырай видеояҙмала.

Сентябрь айында «Сенсей» махсус хәрби операция зонаһынан республика халҡына сәләм еткергәйне. Башҡорт яугирҙәре яҡташтарының ярҙамын тоя, тине ул үҙенең мөрәжәғәтендә.