Сим-картаны ла, банк картаһын да "биреп торорға" ярамай!

Шулай итеп, һеҙгә сим-карта йә банк карточкаһын "биреп торорға" тигән тәҡдим килә. Бының өсөн яҡшы ғына аҡса вәғәҙә итәләр. Кешеләр уны-быны уйлап тормай, "тик ятҡан" карточкаһының бар мәғлүмәтен бирә. Һәм шул иҫәп аша мутлашыусылар башҡа граждандарҙан алдап алған аҡсаны күсерә башлай. Һеҙ "мин быны белмәнем" тип әйтә алаһығыҙ. Әммә барыбер был һеҙҙе яуаплылыҡтан ҡотҡармаясаҡ. Шуға күрә иғтибарлы булығыҙ. Еңел юл менән аҡса эшләргә уйлап, енәйәтселәр иҫәбенә инмәгеҙ.