Республикала Һөт биҙҙәре яман шешенә ҡаршы көрәш аҙналығы бара

Башҡортостанда Һөт биҙҙәре яман шешенә ҡаршы көрәш аҙналығы бара. Был ҡатын-ҡыҙҙар араһында киң таралған онкология сире. Маммография иң иртә стадияларҙа һөт биҙҙәре, шул иҫәптән яман шеш ауырыуҙарын асыҡларға мөмкинлек бирә. «Һаулыҡ һаҡлау» милли проектының "Беренсе звеноны модернизациялау" программаһы ярҙамында маммография халыҡ өсөн тағы ла уңайлыраҡ була бара.

Хәҙер ҙур ҡалаларҙан алыҫ урынлашҡан ауылдарҙа йәшәгән күп кенә ҡатын-ҡыҙҙар тиҙ арала һәм уңайлы ваҡытта онкология скринингы үтә ала. Мәҫәлән, Раевка ауылы дауаханаһындағы милли проект һөҙөмтәһендә яңы маммографта ете меңдән ашыу тикшереү үткәрелгән. «Клиникаға тиклемге» фазала юғалып ҡалмай торған шештәрҙе асыҡлау ысулының роле айырыуса ҙур.