Бында гәзиттең ысын дуҫтары йәшәй

Берҙәм тауыш биреү көнөндә Ишмөхәмәттә Гәзиткә яҙылыусы көнө ойошторолдо, уны үткәреүгә ауыл биләмәһе хакимиәте коллективы, мәҙәниәт, почта хеҙмәткәрҙәре, йәмәғәт ойошмалары етәкселәре күп көс һалды.

Барлығы 43 кеше "Һаҡмар" гәзитенә яҙылып, Ишмөхәмәт ауыл биләмәһе, урындағы почта бүлексәһе, редакция әҙерләгән бүләктәрҙе отоп ҡыуанды.

Подписканы ойоштороуға Ишмөхәмәт ауылы китапханасыһы Асия Үлйәбаева, ветерандар советы рәйесе, гәзиттең әүҙем хәбәрсеһе Хазина Исҡужина, "Шатлыҡ" халыҡ театры етәксеһе Гөлдәр Латыпова, ағинәйҙәр ҡоро рәйесе Миңһылыу Сәлимова, почта бүлексәһе начальнигы Мәрйәм Тимербулатова, мәҙәни ойоштороусы Резеда Әбүбәкирова күп көс һалды.

"Һаҡмар" гәзитенә яҙылыу дауам итә.