Төркмәндәр яңы үрҙәргә артыла

Бөгөн Баймаҡ районы башҡорттары ҡоролтайы рәйесе Ришат Ишембәтов эш сәфәре менән Моҡас ауыл биләмәһендә булды.Ул реконструкцияланған  Беренсе Төркмән мәктәбе менән яҡындан танышты,уның директоры Зәһүрә Ҡаһарманова оҙатыуында кабинеттарҙы ҡараны, уҡыусылар һәм  педколлектив менән осрашты.

Һис шикһеҙ, бында ғәйәт ҙур эш атҡарылған, мәктәп үҙенең күркәмлеге һәм заман шарттарына тулыһынса яуап биреүе менән таң ҡалдыра.Зәһүрә Сәғәҙәт ҡыҙының оҫта етәкселегендә коллектив уҡыу-тәрбиә процесында яҡшы һөҙөмтәләргә ирешә.

Р.Ишембәтов осрашыу барышында Ҡоролтай ҡарарҙарын урында тормошҡа ашырыу,  башҡорт баҫмаларына яҙылыу мәсьәләләре менән дә ҡыҙыҡһынды.Әйткәндәй, коллективта эшләүселәрҙең барыһы ла һәр саҡ "Һаҡмар"ға яҙыла һәм башҡаларға өлгө булып тора.