Герой-әсәне тәбрикләнеләр

Ҡолсора ауылынан Хәбирә Фазуллина 90 йәшлек юбилейын билдәләне.Уны ғүмер байрамы менән район хакимиәте һәм ветерандар советы исеменән уның рәйесе Көнһылыу Әхмәтова тәбрикләне, бүләктәр тапшырҙы.

Хәбирә Мөхәмәтҡужа ҡыҙы - лайыҡлы тормош юлы үткән, күп бала тәрбиәләп үҫтергән, колхозда намыҫлы эшләгән, хаҡлы абруй ҡаҙанған ил инәләренең береһе.Оло йәштә булыуына ҡарамаҫтан, бөгөн дә теремек, асыҡ йөҙлө инәйгә һоҡланмау мөмкин түгел.