Хәүефһеҙлекте хәстәрләп

Башҡортостанда үҙйөрөшлө машиналар һәм башҡа техниканы файҙаланыу өлкәһендәге хәүефте иҫкәртеү айлығы үткәрелә.

Республиканың үҙйөрөшлө машиналарҙың һәм башҡа төр техниканың төҙөклөгөн күҙәтеү буйынса дәүләт инспекцияһы был эште 17 июлдән алып 18 авгусҡа тиклем үткәрә. Ул ошо техник сараларҙы файҙаланыу барышында ҡануниәт тарафынан һаҡланған мөлкәткә зыян килмәйәсәген, ә бының өсөн техниканың дөрөҫ ҡулланылыуын асыҡлау бурысы ҡуя.