Йөк машинаһына ярамай

Алдағы көндәрҙә көндөҙ һауа температураһының +32 градустан юғарыраҡ булыуы көтөлә, шуға бәйле Башҡортостандың баш дәүләт автоинспекторы Владимир Севастьянов үҙенең телеграм-каналында республика хөкүмәтенең 2023 йылдың 30 мартындағы 146-сы ҡарарының ғәмәлдә булыуын иҫкә төшөрҙө. Эҫе көндәрҙә ҙур йөк машиналары өсөн юлдарҙа хәрәкәт сикләнә.

Сикләү көндөҙ, урындағы ваҡыт менән иртәнге сәғәт 10-дан киске 10-ға тиклем ғәмәлдә була.