Баймаҡҡа фиҙаҡәр хеҙмәте өсөн

Вил Рафаэль улы Рәмиев барлыҡ ғүмерен тыуған еренә, ауыл хужалығы тармағына тоғро хеҙмәт итеүгә арнаған арҙаҡлы ир-егеттәрҙең береһе.Оҙаҡ йылдар райондың ветеринария өлкәһендә арымай-талмай тир түккән, намыҫлы хеҙмәте менән ҙур абруй ҡаҙанған етәксе ул.Фиҙаҡәр хеҙмәте өсөн В.Рәмиев "Башҡортостандың атҡаҙанған ауыл хужалығы хеҙмәткәре" тигән маҡтаулы исемгә лайыҡ булды.

Күптән түгел йыл йомғаҡтарына арналған район Советы ултырышында Вил Рафаэль улына иң ҙур награда - "Баймаҡҡа фиҙаҡәр хеҙмәте өсөн" почетлы билдәһе тапшырылды.Афарин!