"Сәләмәт ауыл"да кем еңеүсе булыр?

Баймаҡ районы башҡорттары ҡоролтайы башҡарма комитеты рәйесе Ришат Ишембәтов етәкселегендәге комиссия бөгөн "Сәләмәт ауыл-2022" конкурсы буйынса үҙҙәренең проекттарын тәҡдим иткән ауыл биләмәләренең сығыштарын баһаланы.

Әйтергә кәрәк, был конкурста ауыл биләмәләре әүҙем ҡатнаша һәм уға ярашлы ғәйәт ҙур эштәр бойомға ашырыла."Сәләмәт ауыл", "Сылтыр шишмә" конкурстары буйынса  былтыр матур башланғыстарға нигеҙ һалынды, ике йыл эсендә генә лә 90-ға яҡын (!) шишмә кәртәләп алынды.

Атап үтелгән конкурстарға март айында үтәсәк район Ҡоролтайында йомғаҡ яһаласаҡ.