Боҙло ямғыр

Синоптиктар фаразы буйынса, бөгөн, 19 декабрҙә, республика биләмәһендә боҙлауыҡ, сымдарға һәм ағастарға епшек ҡар һырыуы, юлдарҙа тайғаҡ булыуы көтөлә. Автомобиль юлдарында күреү мөмкинлеге 500 метрҙан кәмей. Һауа температураһы төндә -5, -10, көндөҙ 0, -5 градус.

Водителдәргә алыҫ сәфәргә сыҡмаҫҡа кәңәш ителә. Юлға сыҡҡан осраҡта тиҙлек режимын, транспорт араһында хәүефһеҙ арауыҡты һаҡларға, хәүефһеҙлек ҡайыштарын эләктерергә, телефондан һөйләшмәҫкә кәрәк. Яғыулыҡ һәм аҙыҡ-түлек запасы, йылы әйберҙәр мотлаҡ булырға тейеш.