Әсәләр нур сәсәләр

Сосновка ауылы Баймаҡ районы башҡорттары ҡоролтайы иғлан иткән "Сәләмәт ауыл-2022" конкурсында ҡатнаша.Һәм бөгөн улар ошо проект сиктәрендә Әсә көнөнә арналған сара ойошторҙо.Ауыл ҡатын-ҡыҙҙарын клубҡа йыйып, кисәне ойоштороусылар донъялағы иң изге затҡа дан йырланы, концерт ҡуйҙы, үҙҙәренең ихтирамын күрһәтте. 

Клуб фойеһында оҫталарҙың ҡул эштәре күргәҙмәһе эшләне, "Һаҡмар" гәзитенә яҙылыу ойошторолдо.

Сосновка ауылы ҡатын-ҡыҙҙарын Йылайыр ауыл биләмәһе башлығы Илфат Мусин тәбрикләне, иң-иңдәргә хакимиәттең Рәхмәт хаттарын тапшырҙы.Шулай уҡ ауыл тормошонда әүҙем ҡатнашҡандар Баймаҡ районы башҡорттары ҡоролтайының Маҡтау грамоталарына лайыҡ булды.

Саранан репортажды гәзиттең киләһе һанында уҡырһығыҙ.