Сибай филармонияһы - тарихи-мәҙәни экспедицияла

Бөгөн Сибай концерт-театр берекмәһе директорының ижад буйынса урынбаҫары, Башҡортостандың атҡаҙанған мәҙәниәт хеҙмәткәре Рәмил Париж улы Туйсин етәкләгән ҡурайсы һәм йырсылар төркөмө Баймаҡ районы буйлап тарихи-мәҙәни экспедицияға сыҡты.

Экспедицияның маҡсаты - халҡыбыҙҙың аҫыл йырҙары, мәңге һүнмәҫ ижад өлгөләре, арҙаҡлы ҡурайсылары һәм йырсылары тыуған төбәктә булыу, бөйөк шәхестәренең тәпәй баҫҡан төйәген күреү.

Тәүҙә ижади төркөм Баймаҡ ҡалаһының 1-се мәктәбендә урынлашҡан Ҡурай музейында булды.

Экспедициянан яҙмаларҙы ошо төркөмдә күҙәтеп барырһығыҙ.