Сикләүҙәр бөтөрөлдө

Роспотребнадзор 2020 йылдың мартында пандемия башланыуға бәйле индерелгән «ковид» сикләүҙәрен ғәмәлдән сығарыу тураһында белдерҙе.  Был хаҡта мәғлүмәт ведомствоның рәсми сайтында баҫылған.

Атап әйткәндә, бынан алда индерелгән сикләүҙәр, шул иҫәптән битлек режимы, төнгө ваҡытта йәмәғәт туҡланыуы предпритиеларының эшен тыйыу һәм башҡалар бөтөрөлә. Сәбәбе — сир йоҡтороу осраҡтарының кәмеүе. Ләкин хәл ҡатмарлашһа, ведомство йәнә сикләүҙәр индерергә мөмкин.