Почта нисек эшләй?

Башҡортостандың почта бүлексәләре байрам көндәрендә эш графигын үҙгәртә, тип хәбәр иттеләр республиканың Федераль почта элемтәһе идаралығынан.

11 июндә республиканың почта бүлексәләре ғәҙәттәгенән бер сәғәткә алдараҡ ябыла. 12 июнь — Рәсәй көнө барлыҡ бүлексәләр өсөн ял көнө була.

«13 июндә почта бүлексәләре клиенттарҙы йәкшәмбе графигы буйынса ҡабул итә, — тип өҫтәне Башҡортостан Федераль почта элемтәһе идаралығының матбуғат секретары Борис Слуцкий. — Почтальондар пенсия һәм пособиеларҙы байрам көндәрендә Рәсәй Пенсия фондының республика бүлексәһе менән килешелгән ваҡытта тарата».

Шул уҡ ваҡытта ауылдарҙа урынлашҡан бүлексәләрҙең эш режимы айырылып тороуы ихтимал. Почта бүлексәләренең эш графигы менән pochta.ru сайтында танышырға мөмкин.