Лагерға әҙерлек башланды

Башҡортостандың мәғариф һәм фән министры Айбулат Хажин республикаға идара итеү үҙәгендәге республика Хөкүмәте кәңәшмәһендә балалар һауыҡтыыру лагерҙарының эшмәкәрлегендә яңы санитар-эпидемиологик хәүефһеҙлек талаптары хаҡында һөйләне.

2022 йылдың 21 мартында COVID-19 буйынса санитар-эпидемиологик ҡағиҙәләрҙең үҙгәреүенә бәйле, ҡала ситендәге лагерҙарҙы 100% тултырырға мөмкин (былтыр 75% ине). Хәҙер ойошмаларҙа балалар һәм йәштәр өсөн асыҡ һауала сараларар үткәрергә рөхсәт ителә. Ҡала ситендә урынлашҡан лагерҙарҙың хеҙмәткәрҙәре смена башланырҙан ике көн алдан ковидҡа ПЦР-тест тапшырырға тейеш. Тикшереү республика ҡаҙнаһы иҫәбенә бушлай.