Грант буйынса башҡарылды

Бөйөк Еңеү көнө алдынан Баймаҡ биләмә-ара үҙәк китапханаһында Бөйөк Еңеүҙең 77 йыллығына һәм Баймаҡ районынан Бөйөк Ватан һуғышы ветерандарына арналған «Хәтерләйәсәкбеҙ» китабының исем туйы үтте. Китап инвалидтарҙың район ойошмаһы башланғысы, «Беҙ киләсәккә ышанабыҙ» президент гранттары фондының әүҙем булышлығы менән ике телдә нәшер ителде. "Был беҙҙең өсөн тулҡынландырғыс һәм бик мөһим ваҡиға булды",-тине инвалидтар йәмғиәте рәйесе Луиза Иванова.