Төркмәндәр изге эшкә тотонған

Икенсе Төркмән ауылы халҡы изге һәм мөҡәддәс эшкә тотонған - улар зыяратты яңынан кәртәләп алырға ниәтләй.Ошо маҡсатта ауыл халҡы күмәкләп аҡса йыйған, ситтә йәшәүселәр ҙә ситтә ҡалмаған, матди ярҙам күрһәткән.Әле кәрәкле Сибай ҡалаһынан төҙөлөш материалдары - тимер сетка, бағана-шпал ташыу дауам итә.Был эштә Данил Килмөхәмәтов, Йосоп Рәсүлев, Арсен Исламғолов, Руслан Утарбаев, Даян Яхин, Марсель Ишморатов, Рөстәм Байбулов, Замир Мөхәмәтшин, Хәкимйән Хөсәйенов, Дамир Ғиззәтуллин, Иршат Исрафилов, Руслан Ҡунаҡбаев, Вилүр Зөлҡәрнәев, Мөнир Исламғолов, Нур Яхин һәм башҡалар ҙур тырышлыҡ күрһәтә.

3 май көнө ауыл халҡы зыяратты кәртәләп алыу өсөн өмәгә сығасаҡ.