Беҙ - үҙебеҙҙекеләр менән!

Бөгөн Баймаҡ ҡалаһының Салауат Юлаев исемендәге мәҙәниәт һәм ял паркында илһөйәрлек рухындағы шәп концерт үтте. Уны халыҡ ижады үҙәге артистары әҙерләгән ине. Тантананы район хакимиәте башлығы Фәнис Әминев асып, еңел булмаған осорҙа баймаҡтарҙың Президентыбыҙ һәм ғәскәрҙәребеҙ менән булыуын белдерҙе. Тантанала илһөйәрлек, тыуған ер тураһында матур йырҙар яңғыраны. Халыҡ үҙенең берҙәмлеген күрһәтте һәм махсус операцияла ҡатнашҡан ир-егеттәребеҙҙең имен-һау әйләнеп ҡайтыуын теләне.