Йәшен тауышы ла ишетелер

Яҡын көндәрҙә Башҡортостанда апрель уртаһы өсөн аномаль йылы һауа торошо көтөлә. Башгидрометүҙәк хәбәр итеүенсә, бөгөн, 13 апрелдә, республикала һауа температураһы +16 градусҡаса йылына, ә иртәгә, 14 апрелдә, +22 градус була. Төндә лә +2, +7 градус йылы була. Төндә — урыны менән, көндөҙ ҡыҫҡа ваҡытлы ямғыр яуыуы, айырым райондарҙа йәшен йәшнәүе ихтимал. Ел көнсығыштан, көньяҡ-көнсығыштан талғын, көндөҙ көсәйеүсән.