Йылғаларҙың ныҡ ташыуы күҙәтеләсәк

БР Ғәҙәттән тыш хәлдәр буйынса дәүләт комитеты белдереүенсә, айҙың өсөнсө декадаһында ташҡындың иң юғары нөктәһе буласаҡ. 

Беҙҙең райондың иң төп һыу "артерияһы" - Һаҡмар йылғаһы ташырмы, ауылдарға хәүеф янамаҫмы?Былтырғы ҡоролоҡ, яуған ҡарҙың тиҙ арала иреп, ергә һеңеп бөтөүенә ҡарағанда, ташҡын көтөлмәй.

"Быйыл Һаҡмарҙа боҙ ҙа китмәне, һыуы ла күтәрелмәне", ти күптәр.Әммә кисә-бөгөн йылғаның һыуы күтәрелеүе күҙәтелә.Бына был яҙма кисә Ҡолсора һәм Түбәнге Иҙрис ауылдары араһынан аҡҡан Һаҡмар йылғаһы аша һалынған күперҙән төшөрөлдө.