Владимир Жириновский мәрхүм булды

Оҙаҡ һәм ҡаты ауырығандан һуң ЛДПР рәйесе һәм Дәүләт Думаһында партия фракцияһы етәксеһе Владимир Жириновский донъя ҡуйҙы. Был хаҡта Дәүләт Думаһы рәйесе Вячеслав Володин үҙенең телеграм-каналында хәбәр итте.

«Сағыу, талантлы сәйәсмән. Донъяның нисек ҡоролғанын тәрән аңлаған һәм күп хәл-ваҡиғаларҙы алдан күрә белгән кеше. Дәүләт Думаһында ЛДПР фракцияһы лидеры. Ул һәр ваҡыт ваҡиғалар уртаһында булды. Ул шул тиклем оло шәхес, унһыҙ хәҙерге Рәсәйҙең сәйәси системаһы үҫеше тарихын күҙ алдына килтереүе лә ҡыйын», – тип яҙҙы Володин.