Йылы була!

Синоптиктар хәбәр итеүенсә, алдағы 10 көндә Башҡортостанға йылы һауа массалары үтеп инә, көндәрҙең йәйгесә тиерлек йылы булыуы көтөлә.

Дүшәмбе, 4 апрелдә, республиканың үҙәк райондарында 12 градусҡа тиклем йылыта. Һуңынан бер аҙ һыуыта, ләкин 8 апрелдә көндөҙ һауа температураһы +13 градусҡаса йылына. Алдағы көндәрҙә Өфөлә 19 градусҡаса йылы көтөлә, был климат нормаһынан юғарыраҡ.

Елдең тиҙлеге — секундына 19 метрға тиклем, яуым-төшөмдөң күп булыуы көтөлмәй.