Сираттағы ярҙам юлға сыға

5 апрелдә, Өфөнән Донецк һәм Луганск халыҡ республикалары халҡы өсөн гуманитар йөк тейәлгән өсөнсө колонна юлға сыға.

Башҡортостан Башлығы һүҙҙәренсә, йөктөң ауырлығы — 83,5 тонна. Унда кондитер һәм икмәк-ҡалас изделиелары, һыу, кофе, шәхси гигиена әйберҙәре, түшәк кәрәк-ярағы, балалар аҙығы, макарон изделиелары, уйынсыҡтар, ярмалар һәм башҡалар бар. Гуманитар конвой был юлы ошо республикаларҙың емерелгән ҡала-ауылдарын тергеҙеү өсөн кәрәкле төҙөлөш материалдары ла алып бара.