Ысын яҙ килә!

Марттың һуңғы көндәрендә ҡыш Башҡортостанда йәшәүселәргә үҙ холҡон күрһәтте. Өфөлә генә ике тәүлектә айлыҡ яуым-төшөм нормаһының дүрттән бер өлөшө яуған. Башгидрометүҙәк синоптиктары фаразынса, 1 апрелдә республикала ысын яҙ башлана. Ямғыр яуыуы көтөлә, ә термометр бағанаһы көндөҙ +7 градусҡа тиклем күтәрелә.

Алдағы ял көндәрендә температура күтәрелә, йәкшәмбе, 3 апрелдә, һауа +13 градусҡаса йылына.

Идаралыҡ белгестәре һүҙҙәренсә, ошо ваҡыттан республикала көндөҙ плюслы температура һаҡлана. Киләһе аҙнала төндә 0 градус булыуы көтөлә.