Яҙ үҙ хоҡуғына инә башлай

Башҡортостанда яҙ әкренләп үҙ хоҡуғына инә. Синоптиктар фаразынса, март аҙағында республикала йылы була. «Гисметео» порталы хәбәр итеүенсә, айҙың һуңғы дүрт көнөндә көндөҙ +1, +4 градус була. Төндә һауа температураһының ныҡ түбәнәйеүе көтөлмәй. Апрелдә Башҡортостанда йылы һауа торошо буласаҡ, һауа температураһының норманан юғарыраҡ булыуы көтөлә.