Йәрминкә үҙ маҡсатына иреште

Билдәле булыуынса, һәр шәмбе Баймаҡта ауыл хужалығы йәрминкәһе ойошторола.Был ҡала халҡы өсөн дә, үҙ продукцияһын һатыуға сығарған ауыл кешеһе өсөн дә бик ҡулай.Баймаҡтар сифатлы, тәмле аҙыҡ-түлек һатып алып ҡыуанһа, фермерҙар һәм шәхси хужалыҡтар өсөн урындар бушлай бирелә.

Был юлы сауҙа итеүселәр ҙә, һатып алыусылар ҙа күп булды.Фермерҙар Ришат Әминев - ит, Гүзәл Ясавиева һөт ризыҡтары тәҡдим итте.Фирҙәүес Хәлимов КФХ-һы йылҡы деликатестары, ит, билмән, колбаса менән сауҙа итте.Икенсе Этҡолдан Алсу Буранбаеваның йылҡы итен халыҡ теләп һатып алды. 

Хаҡтар түбәндәгесә булды:ит - 300-500, балыҡ - 90-370, 1,5 литр һөт - 100, 1 литр ҡаймаҡ - 500, 1 кг эремсек - 150, йомортҡаның тиҫтәһе - 100 һум.Тауыҡ итенең килограмына 300 һум һоранылар.

Ә бына картуфҡа хаҡ арта бара.5 литр биҙрәләге картуфты 400 һум менән тәҡдим иттеләр.