Хәләл продукцияға ихтыяж ҙур

Фермер Фирҙәүес Хәлимовтың "Хәләл Баймаҡ" предприятиеһы ит ярымфабрикаттары етештерә.Яңы производствоның тиҙ арала баҙарҙа үҙ һатып алыусыһын табыуына ғәжәпләнәһе түгел.Сөнки бында бөтә эш процесы мосолман ҡанундарына ярашлы башҡарыла, барлыҡ продукция хәләл һанала.Был тәңгәлдә махсус сертификат та алынған.Шул уҡ ваҡытта етештерелгән аҙыҡ-түлек сифатлы, тәмле булыуы менән айырылып тора.

"Хәләл Баймаҡ" предприятиеһы ауыл хужалығы йәрминкәләрендә әүҙем ҡатнаша, баҙарға ла үҙ продукцияһын алып сыға.Йылҡы ите, билмән, манты, голубцы һәм башҡа ярымфабрикаттарҙы халыҡ теләп һатып ала.