Баймаҡ көрәшселәре һынатманы

Татарстандың Зәй ҡалаһында Ринат Фәрдиев иҫтәлегенә көрәш буйынса Бөтә Рәсәй ярыштарында баймаҡтар уңышлы сығыш яһаны.Рәсәйҙең 15 төбәгенән 200-ҙән ашыу спортсы ҡатнашҡан ярышта беҙҙең райондан 7 көрәшсе көс һынашты.50 кг ауырлыҡтағы көрәшселәр араһында Ильяс Байымов - 2-се, 60 кг ауырлыҡта Мөхәмәт Яҡупов 3-сө урынды яуланы.Уларҙы ярышҡа тренерҙар Рауил Арыҫланов, Айгиз Яҡшыбаев, Венер Нәбиев, Мөнир Яҡупов әҙерләгән."Һеҙгә ҡарап башҡа малайҙар ҙа көрәш майҙанына баҫыр һәм ысын батырҙар булып танылыр, тип ышанабыҙ", - тип билдәләне район башлығы Ф.Әминев.