Көҙгө йәрминкәләргә рәхим итегеҙ

Муниципаль район хакимиәте крәҫтиән-фермер хужалыҡтарын, шәхси ярҙамсы хужалыҡтарҙы һәм эшҡыуарҙарҙы 22 сентябрҙә уҙасаҡ көҙгө йәрминкәләргә саҡыра. Йәрминкәләр графигы: 29 сентябрь, 6,11 октябрь - байрам йәрминкәһе 13, 20, 27 октябрь, 3 ноябрь - йәрминкәләр

Сауҙа урындары бушлай бирелә. Ҡала халҡы һәм ҡунаҡтары өсөн йәрминкәлә бал, ит-һөт продукцияһы, йәшелсә-емеш, ҡатнаш аҙыҡ, иген культуралары һ.б. тәҡдим ителәсәк.

Йәрминкәлә ҡатнашыусылар сауҙа урынын йыһазландырырға тейеш (хужалыҡ тураһында вывеска, һатыусының исем-шәрифе күрһәтелгән бейджик), шулай уҡ продукцияға тейешле документтарҙың булыуы мотлаҡ.

Өҫтәмә мәғлүмәтте 8(347)513-17-46, 3-16-19, 3-17-19. телефондары аша алырға була. Йәрминкәләр ҡаланың үҙәк майҙанында (район хакимиәте бинаһы алдында) уҙасаҡ.

Читайте нас