Йортло булыу – үҙе бәхет

Йорт, фатир һатып алыу – һәр ғаилә өсөн оло бер мәртәбә булып тора. Айырыуса был юҫыҡта дәүләттән ярҙам булһа, ҡыуаныс та, тулҡынланыу ҙа икеләтә була.

Бөгөн район хакимиәтендә “БР Ауыл территорияһын комплекслы үҫтереү” программаһы, үҙенең мөмкинлеге сикләнгән һәм инвалид бала тәрбиәләгән ғаилә ағзаларына торлаҡ сертификаты тапшырылды.
Тантаналы сараны асып, район хакимиәте башлығы Фәнис Әминев, бәхетле сертификат хужаларын тәбрикләп үтте.

-- Бөгөн биш ғаиләгә йорт һалыу өсөн аҡсалата ярҙам күрһәтелһә, ике ғаилә өр-яңы фатирҙың асҡысын алыр. Барығыҙҙы ла ошонда тантана уңайынан тәбрикләйем. Һеҙҙең тәҙрәгеҙҙән яҡтылыҡ һәм йылылыҡ ҡына бөркөп торһон. Шәп йорттар һалып сығығыҙ, йә, булмаһа, матур өйҙәр һатып алығыҙ, -- тине.