Нью-Йорктан ҡайттылар

24 май көнө "Өфө" аэропорты АҠШ-тан ҡайтҡан пассажирҙарҙы ҡаршы алды. "Аэрофлот" авиакомпанияһының Boeing 777-300ER рейсы Нью-Йорктан 23 май 20:16 сәғәттә ҡуҙғалды. 8 сәғәт 30 минуттан һуң ул Мәскәүҙең Шереметьево аэропортына килеп етте. Башҡортостанға юлланған пассажирҙар өсөн Airbus-320 әҙерләнеп ҡуйылған ине. "Аэрофлот" авиакомпанияһының SU-1258 рейсы менән Өфөгә 126 кеше ҡайтты. Уларҙың барыһы ла пандемия осоронда АҠШ-тың төрлө штаттарында булып ҡалғандар ине.