Вахтовиктарҙың бер өлөшө Мәсетлеләге обсерваторға урынлаштырылды

«20 кешенән торған тәүге төркөм килеп етте. Коронавирус инфекцияһына бәйле ауыр хәлдә ҡалған эшселәр ғаиләләре менән күрешер алдынан Мәсетле районындағы обсерваторҙа тикшеренеү үтергә тейеш булалар, — тип Мәсәғүт район дуаханаһы баш табибы Валерий Трофимов бәйән итте.

Баш табиптың һүҙҙәренә ҡарағанда, килгәндәрҙең температураһы юҡ, әммә башҡаларҙың хәүефһеҙлеген тәьмин итеү маҡсатында вахтовиктар өс аҙна дауамында карантинда булырға мәжбүр. Унан ҡабаттан тест үткәндән һуң өйҙәренә ҡайталар.