Рәсәйҙә Бөйөк Ватан һуғышына арналған "Беҙҙең Еңеү 75" йәш эҙәрмәндәр конкурсы старт алды

"Беҙҙең Еңеү 75" конкурсы Рәсәйҙә дүшәмбе көн башланды. 2020 йылды Рәсәйҙә Президент Владимир Путин Дан һәм хәтер йылы, тип иғлан итте.

"Конкурстың төп маҡсаты -- ғаиләләр, ауылдар, ҡаласыҡтар, ҡалалар, хатта тотош төбәктәрҙең Еңеүгә индергән өлөшөн сағылдырған эҙәрмәндәр эшен баһалау. Беҙ, шулай уҡ, айырым төбәктәргә ҡағылған интерактив карта ла төҙөргә уйлайбыҙ", - тине Юрманов.

Конкурста алты номинация ҡаралған. Уның ҡатнашыусылары үҙҙәре йәшәгән төбәктең Бөйөк Ватан һуғышына бәйле иҫтәлекле урындарын күрһәтергә, туғандары һәм яҡындары тураһында һөйләргә, теге йәки был урындың тарихын бәйән итергә, Еңеүҙе хәтерләткән ғаилә йолаларын һүрәтләргә тейешле була. Алыҫ Көнсығыштағы Япон милитаристарын тар-мар итеүгә арналған "Алыҫ Көнсығыш һәм Байкал аръяғы фронты - онотолған һуғыш" ("Дальневосточный и Забайкальский фронты - забытая война") номинацияһы айырым билдәләнә.

Конкурстың ойоштороусылары -- Яңы проекттарҙы ғәмәлгә ашырыу буйынса стратегик инициативалар агентлығы һәм йәштәргә патриотик тәрбиә биреүсе "Ратник" йәмәғәт ойошмаһы. Конкурстың координация советы рәйесе -- Дәүләт Думаһы рәйесе урынбаҫары Петр Толстой. Ҡатнашыусыларҙан заявкалар һәм материалдар ҡабул итеү 4 октябргә тиклем дауам итә. Еңеүселәрҙе Ватан Геройҙары көнөн билдәләгәндә тәбрикләү күҙаллана.