Путин әйтеүенсә, коронавирус менән бәйле мәғлүмәттәрҙе Мишустин һәр көн еткереп тора

Министрҙар кабинеты башлығы Михаил Мишустин һәр көн РФ Президенты Владимир Путинға илдәге ситуация, айырып әйткәндә, коронавирусты илдә таратмау өсөн ниҙәр башҡарылыуы тураһында мәғлүмәт еткереп тора.

"Хөкүмәт был мәсьәләне хәл итеү өҫтөндә көн дә эшләй. Михаил Владимирович [Мишустин] миңә көндәлек режимда был турала мәғлүмәт биреп тора", - тине Путин коронавирус менән көрәш буйынса хөкүмәт менән булған кәңәшмәлә.