Яҙғы боҙҙан һаҡ булығыҙ!

Һәр йыл һайын яҙғы боҙ арҡаһында күп кешеләр һәләк була. Ҡыҙғанысҡа ҡаршы улар араһында ғәҙәттә балалар һәм балыҡсылар күберәк була. Ә бит ябай ғына хәүефһеҙлек ҡағиҙәләрен үтәп тә, был афәттән ҡотолоп була.

Хәтерегеҙгә төшөрәбеҙ: кеше өсөн 10-12 сантиметрҙан да кә булмаған боҙ яңғыҙ барған саҡта хәүефһеҙ, тип атала. Әгәр аяҡ аҫтында ярылған боҙ тауышы ишетелһә, ул урындан шыуа-шыуа китер кәрәк. Әгәр хәүеф көслө булһа, ятығыҙ. Ул саҡта кәүҙә ауырлығы ҙурыраҡ урынға бүленә.

Башҡортостандың Ғәҙәттән тыш хәлдәр буйынса дәүләт комитеты граждандарға йылға-күлдәрҙә булғанда түбәндәге ҡағиҙәләрҙе үтәргә саҡыра:

һыу ятҡылығындағы рөхсәт ителмәгән урындарҙан үтмәгеҙ;

йылға-күлдәрҙең йоҡа боҙло өлөштәрен урап үтегеҙ;

ҡараңғы төшкән мәлдә һәм томан, ҡар, ямғыр яуған ваҡытта боҙ менән ҡапланған йылға-күлгә яҡын бармағыҙ;

боҙҙоң ныҡлығын аяҡ менән тибеп тикшермәгеҙ;

әгәр ҙә боҙ менән ҡапланған күл йәки йылға буйлап үтмәйенсә булмай икән, һис юғында кешеләр һалған һуҡмаҡ буйлап атлағыҙ;

айырым боҙ киҫәгендә төркөмләп йөрөү кәңәш ителмәй.

Хөрмәтле ата-әсәләр, балаларығыҙҙы боҙ менән ҡапланған йылға-күлдәргә яңғыҙын ебәрмәгеҙ. Үҙегеҙҙе һәм яҡындарығыҙҙы һаҡлағыҙ!