-4 °С
Ҡар
Бөтә яңылыҡтар
Новости
16 Март 2020, 16:42
Башҡортостан мәктәптәре бушлай ашатыуға әҙерме?
"Берҙәм Рәсәй" фирҡәһе ағзалары Башҡортостан мәктәптәренең башланғыс класс уҡыусыларын бушлай ашатыу мөмкинлектәрен тикшерҙе. Мониторинг фирҡәнең "Яңы мәктәп" проекты сиктәрендә сауҙа һәм ҡулланыусылар хоҡуғын яҡлау буйынса БР-ҙың Дәүләт комитеты һәм Республиканың Мәғариф министрлығы менән берлектә үткәрелде.
Фирҡә ағзалары 1500-ҙән ашыу мәктәптә булып, уларҙың башланғыс класс уҡыусыларын бушлай ашатыу мөмкинлектәрен тикшерҙе. Мониторингта шулай уҡ парламентарийҙар, урындағы Совет депутаттары ла ҡатнашты.
Уҙған йылда белем биреү учреждениеларының материаль-техник базаһын яңыртыу өсөн муниципалитет 16 млн-дан ашыу һум аҡса йүнәлтте. Авдон ауылы мәктәбендә 316 башланғыс класс уҡыусыһы белем ала. Мәктәп директоры әлфирә Янһарина әйтеүенсә, киләһе уҡыу йылына уларҙың һаны йәнә 44 кешегә артасаҡ.
"Ата-әсәләр бушлай ашатыу тураһындағы яңылыҡты шатланып ҡабул иттеләр. Беҙҙә күп балалы ғаиләләрҙән белем алған уҡыусылар һаны күп. Хатта ҡайһы бер ғаиләләрҙән башланғыс мәктәптә 2-3 бала белем ала. Ундайҙар өсөн был үҙе үк ҙур ярҙам булып тора", - тип Әлфирә Йәнһарина һөйләне.
Подымалово ауылы мәктәбе уҙған йыл яңы ҡоролма алып һөйөнгән ине. Был мәктәптә 225 бала, шуларҙың 122-һе башланғыс класс уҡыусылары. Уҡыусыларҙың 100%-ы ла йылы аш менән тәьмин ителә. Ашханала өс хеҙмәткәр эшләп йөрөй. Аҙ тәьмин ителгәндәрҙең балалары бушлай туҡлана, ОВЗ балалары ике тапҡыр ашатыла.
"1 сентябрҙә ата-әсәләр өсөн асыҡ ишектәр көнө уҙғарабыҙ. Улар ашханала аш-һыуға дегустация үткәрә", -- тине мәктәп директоры Морат Ҡансурин.
Өфө районының бар мәктәптәре лә талапҡа яуап биргән һауыт-һаба менән тәьмин ителгән. Ошо көндәрҙә муниципалитетта ярымфабрикаттар етештереү буйынса цех астылар. Әйткәндәй, был продукция хәҙер мәктәптәргә лә оҙатыласаҡ. Һәр көнгә айырым төрлө рационлы ике аҙналыҡ меню төҙөлгән.
БР Дәүләт йыйылышы депутаты, "Яңы мәктәп" проекты координаторы Рәил Әсәҙуллин билдәләп китеүенсә, Башҡортостандың барлыҡ мәктәптәре лә бушлай ашатыуҙы ойоштороу өсөн техник һәм кадрҙар мөмкинлегенә эйә.
"Яңы мәктәптәрҙәге ҡоролмалар ресторандар көнләшерлек, ә инде иҫке типтағы мәктәптәр уҙған йылдар техникаһын һаҡлайҙар әле. Әле муниципалитеттар был юҫыҡтағы проблеманы хәл итеү өҫтөндә эшләйҙәр. Мониторинг барышында тултырылған анкеталарға таянып, ҡайһы мәктәптә ҡоролмаларҙы яңыртыу кәрәклеге хәл ителәсәк. Бынан тыш, Башҡортостандың күп кенә белем биреү учреждениеларына ашхана интерьеры дизайны өҫтөндә эшләргә кәрәк булыр", -- тине Рәил Әсәҙуллин.
Читайте нас:
© 2025
Телефон
(34751)31326
Электрон почта
Адресы
453630, Республика Башкортостан, Баймакский район, г. Баймак, пр-т С. Юлаева, 38
Реклама хеҙмәте
(34751)31337
Редакция
(34751)21499
Ҡабул итеү бүлмәһе
(34751)31326
Хеҙмәттәшлек
(34751)21499
Кадрҙар бүлеге
(34751)21838