Путин төбәктәрҙә торлаҡ төҙөү өсөн өҫтәмә 10 млрд һум аҡса бүлергә ҡушты

Рәсәй Президенты Владимир Путин РФ Хөкүмәтенә "Торлаҡ һәм ҡала мөхите" милли проектының төбәктәрҙә торлаҡ төҙөлөшөн үҫтереү буйынса программаға федераль бюджеттан өҫтәмә 10 млрд һум аҡса бүлергә ҡушты. Был туралағы документ дүшәмбе көн Кремль сайтында баҫылып сыҡты.

"Рәсәй Федерацияһы Хөкүмәтенә <...> 2020 йылда Рәсәй Федерацияһы субъекттарында "Торлаҡ һәм ҡала мөхите" милли проектына ингән "Торлаҡ" федераль проекты сиктәрендә был йүнәлештәге төҙөлөштө үҫтереү өсөн федераль бюджеттан өҫтәмә 10 млрд һум аҡса күсерергә", - тиелә документта.