Башланғыс класс уҡыусылары бушлай ашай башлай

Рәсәй Президенты Владимир Путин башланғыс класс уҡыусыларын бушлай ашатыу тураһындағы законға ҡултамғаһын ҡуйҙы.

Закон буйынса башланғыс класс уҡыусыларын 2020 йылдың 1 сентябренән 2023 йылдың 1 сентябренә тиклем башланғыс класс уҡыусыларын бушлай ашатыу ҡаралған. Унда уҡыусыны көнөнә кәмендә бер тапҡыр бушлай ашатырға һәм менюла эҫе аш һәм эҫе эсемлек булырға тейеш, тиелә. Федераль, төбәк, урындағы бюджет эсенән финанслау ҡаралған. Эҫе аш менән тәьмин итеүҙе мәктәп учредителе яуап бирә.

Закон шулай уҡ дөйөм, һөнәри йүнәлештәге урта белем биреү, һаулыҡ нығытыу һәм ял итеү учреждениеларына ла ҡағыла. Мәктәп һәм балалар лагерҙары үҙ сайттарында меню һәм балалар һаулығы тураһында ҡыҫҡаса белешмә һалырға тейеш.

Шулай уҡ "сәләмәт туҡланыу" төшөнсәһе лә индерелә. Уның эсенә балаларҙы һәм айырым категорияға ҡарағандарҙы сифатлы, хәүефһеҙ һәм сәләмәт туҡландырыу индерелгән.