Конституцияға индерелгән төҙәтмәләр балаларға ла ҡағыла

Дәүләт башлығы Владимир Путин кисә Конституцияға индереләсәк төҙәтмәләр араһында балаларға айырым иғтибар талап иткән өлөшөн хупланы. Был турала ТАСС хәбәр итте.

Президент 26 февралдә Дәүләттең төп законына индерелгән төҙәтмәләрҙе эшкәртеүсе эшсе төркөм менән осрашыу үткәрәсәк.

Саҡ ҡына алдараҡ Путин хәбәр итеүенсә, әле РФ Конституцияһына индереләсәк төҙәтмәләргә ҡағылған туғыҙ йөҙләп тәҡдимдәр индерелгән. Уларҙың һәр ҡайһыһы айырым иғтибарға лайыҡ, тине ул.