Путин: Рәсәйҙең яңы хөкүмәтенең һуҙылып йөрөргә ваҡыты юҡ

Дәүләт башлығы министрҙар кабинетының яңы составында белемле кешеләр тупланған. Уларҙың күбеһе милли проекттарҙы эшкәртеүҙә, милли маҡсаттарҙы үҫтереүҙә үҙ өлөшөн индергәндәр.#Путин

Рәсәй Президенты Владимир Путин хөкүмәттең яңы ағзаларына уйланырға, өйрәнергә ваҡыт биреүҙән баш тартты.

"Был кешеләрҙең барыһы ла белемлеләр, үҙ эшенең оҫталары. Уларҙың күбеһе былай ҙа милли проекттарҙы эшкәртеүҙә, маҡсатлы үҫеш юлдары буйынса эшләгән кешеләр. Үҙ эшен шулай дауам итеп ала ла китәләр", - тип дәүләт башлығы "Владимир Путинға 20 һорау" проекты буйынса булған интервьюһында хәбәр итте.

РФ Президенты Владимир Путиндың мөрәжәғәтнамәһе яңғырағандан һуң 15 ғинуарҙа Дмитрий Медведев хөкүмәттең отставкаға китеүе тураһында белдереү яһаны. 16 ғинуарҙа Медведев РФ именлек Советы рәйесе урынбаҫары итеп тәғәйенләнде. Ә хөкүмәтте Федераль һалым хеҙмәте етәксеһе булған Михаил Мишустин етәкләне. 21 ғинуарҙа Путин кабинеттың структураһы һәм составын раҫланы. Хөкүмәт 31 кешенән, шул иҫәптән уның рәйесе һәм туғыҙ урынбаҫарынан тора.