Катырин: конституцияға үҙгәрештәр индереү буйынса бәхәстәр кәм тигәндә февраль аҙағына тиклем дауам итә

РФ Конституцияһына үҙгәрештәр индереү буйынса төҙөлгән эшсе төркөм эсендә барған бәхәстәр кәм тигәндә февраль аҙағына тиклем дауам итәсәк. Унан һуң Дәүләт Думаһы закон проектын икенсе уҡыуҙа ҡарарға тейеш була. Был турала шишәмбе көн эшсе төркөм ағзаһы, Рәсәйҙең Сауҙа-сәнәғәт палатаһы башлығы Сергей Катырин хәбәр итте.

"Февраль аҙаҡтарына тиклем был бәхәс дауам итер, тип уйлайым. Артабан иһә Дәүләт Думаһы икенсе уҡыу буйынса эш башлаясаҡ", - тине эшсе төркөмдөң ултырышынан һуң.

Катырин әйтеүенсә, әле төркөмгә 400-ләп тәҡдим индерелгән, ә Дәүләт Думаһы менән фирҡәләргә бындай тәҡдим йөҙҙән килгән.

Хәтерегеҙгә төшөрәбеҙ:

23 ғинуарҙа Дәүләт Думаһы РФ Президенты Владимир Путин тәҡдиме буйынса конституцияға төҙәтмәләр индерергә тигән ҡарарҙы тәүге уҡыуҙа уҡ ҡабул ителде.