Путин аграрийҙарҙың уҙған йыл һөҙөмтәләренә "бишле" билдәһе ҡуйҙы

Рәсәй Президенты Владимир Путин аграрийҙарҙың 2019 йылдағы эшен "бик яҡшы" тип баһаланы.

"Уҙған йыл уңышлы үтеп китте. Ауыл халҡы ғәҙәттәгесә "бишлегә" эшләне", - тине ул АУыл хужалығы министрлығы башлығы Дмитрий Патрушев менән осрашҡанда.

Министр президентҡа тармаҡтың 2019 йылдағы эш һөҙөмтәләре тураһында һөйләп бирҙе. "2019 йыл һөҙөмтәләренә ҡарағанда беҙ ауыл хужалығы продукцияһын етештереү 4,1% булыуын көтәбеҙ. Дәүләт Советы ултырышында мин йыл һөҙөмтәһенә ҡарап, яҡынса күҙаллау яһап, 121 миллион тонна, тип әйткәйнем. был күҙаллау раҫлана", - тине ул. Патрушев әйтеүенсә, был һан уҙған йылға ҡарағанда 7,4 млн тоннаға күберәк.