Салауат районында йәнә бер мәҙәниәт йорто

Ғинуар айыр салауат районындағы Мөрсәлим ауылы өсөн бигерәк тә һөйөнөслө башланды. Бында Мәҙәниәт йорто асылды.Мөрсәлимдәге мәҙәниәт йорто Путиндың май ҡарарҙарына ярашлы "Мәҙәниәт" милли проекты сиктәрендә төҙөлдө.Ауыл халҡының оло шатлығы менән БР капиталь төҙөлөш Идаралығының вәкиле Александр Чернядьев, БР Дәүләт Йыйылышы -- Ҡоролтай депутаты Светлана Туразянова, Салауат районы хакимиәте башлығы Марс Кашапов, БР мәҙәниәт министры урынбаҫары Гөлдәр Хәмитова һ.б. бүлеште.Мәҙәниәт йортон асыу тантанаһынан һуң килгән ҡунаҡтар концерт, "Теремок" ҡурсаҡ спектаклен, балалар киноһын күрһәттеләр. Ә кис йәштәр өсөн "Бейеү ритмында" ("В ритме танца") уҙғарылды. Майҙаны 700 квдрат метр, залы 200 урынлыҡ булған яңы ауыл мәҙәниәт йорто музыка, яҡтыртыу, мультимедия ҡорамалдары һәм мебель менән тулыландырылған. Был йорто түңәрәктәр, ижади коллективтарҙы һәм китапхананы үҙ эсенә һыйҙырасаҡ. Бында уҡыусылар ҙа, пенсионерҙарҙа, йәш ғаиләләр ҙә берҙәй шөғөлләнә аласаҡ.