Яратам мин һине, тормош!

Ғүмер көҙө - ҡартлыҡтың да үҙ матурлығы, үҙ мәғәнәһе бар. Бай тәжрибә туплаған ололар һәр ваҡыт беҙгә үҙҙәренең матур өлгөлә тәрбиә бирергә тырыша. Кисә Икенсе Этҡол ауылында тик оло быуын вәкилдәренән генә торған "Яратам мин һине тормош" тип аталған бик шәп, дәртле, моңло концерт булып үтте. Тамаша ҡарарға ауылдың олоһо ла, кесеһе лә йыйылды.

Ваҡ мәшәҡәттәрҙән арынып, ауырыу һыҙланыуҙы онотоп, сәхнә түрен ололар гөрләтте генә. Барлыҡ ҡатнашыусыларға, “Ағинәйҙәр” клубы ағзаларына “Афарин!” тиергә генә ҡала. Бына шундай дәртле халыҡ йәшәй, Икенсе Этҡолда