Путин экологик хәлде яҡшыртыуҙы мөһим мәсьәлә, тип атаны

Рәсәй Президенты Владимир Путин "Таҙа ил" күргәҙмә форумында ҡатнашыусыларҙы сәләмләп, илдә экологик хәлде яҡшыртыуҙы барлыҡ милләттәр мәсьәләһе, тип атаны. Был турала Кремль сайтында ентекләп яҙылып сыҡты.

"Экологик хәлде яҡшыртыу, тирә-яҡ мөхиткә һәм тәбиғәт байлыҡтарына һаҡсыл ҡараш булдырыу өсөн Рәсәйҙә ҡалдыҡтарҙы эшкәртеүсе заманса, юғары технологиялы тармаҡтар булдырыу -- мөһим милли мәсьәлә. Һәм бында хөкүмәттең барлыҡ ҡатламдары ла, йәмғиәт һәм бизнес институттары, киң мәғлүмәт саралары ла әүҙем ҡатнашырға бурыслы", -- тине президент.

Путин иҫкәртеп, "экологик мәҙәниәтте камиллаштырыу"ға, айырыуса йәштәр араһында, иғтибарҙы йүнәлтергә саҡырҙы. Бынан тыш "йәшел" технологияларҙы ҡулланған ойошмалар өсөн дәртләндереү сараларын күреп торорға, улар башҡалар менән тәжрибә уртаҡлашһын, тине.

Президент әйтеүенсә, тап ошо форумда ҡабул ителгән ҡараҙар тәбиғәтте һаҡлауға ҡоролған инициативаларҙы тормошҡа ашырырға ярҙам итергә тейешле.