Һәр шәмбе йәрминкәләр үтә!

Бөгөн Баймаҡта Республика көнө гөрләп үтте. Күптән килгән матур йолаға ярашлы, үҙәк майҙанда ауыл хужалығы йәрминкәһе лә ойошторолдо. Унда Ленин исемендәге АХК, "Рассвет" ЯСЙ-һы, "В. Мырҙаҡаев", "А. Хөсәйенов", "И.Байегетов" КФХ-лары әүҙем ҡатнашты, халыҡҡа иген культуралары тәҡдим итте. Иң күп халыҡ тап иген һатҡан ерҙә булды, бойҙайҙы тиҙ арала һатып алып бөттөләр. Уның бер тоғо 500 һум булды. Һолоноң бер биҙрәһе -60, арпаның бер тоғо 350-400 һум ине.

Хәҙер инде хужалыҡтар игенде аҙна һайын тәҡдим итәсәк. Район башлығы урынбаҫары Азат Шәрипов әйтеүенсә, йәрминкәләр хәҙер һәр шәмбе үтәсәк.