Россельхознадзор хайуандар өсөн тәғәйен дарыуҙарҙың сифатын тикшерә ала

Хәҙер Россельхознадзор ветеринар ҡулланыштағы препараттарға ҡарата контроль һатып алыу ойоштора ала. Был туралағы законға Рәсәй Президенты Владимир Путин ҡул ҡуйҙы. Ә документ проекттар порталында баҫылып сыҡты.

Бындай тикшереүҙәр фальсификатты һатыуҙан тыйыу маҡсатында эшләнелә.

Шулай уҡ законға ярашлы регистрация үтмәгән дарыу препараттарҙы питомниктарҙа тәрбиәләнгән һәм Ҡыҙыл китапҡа ингән хайуандарҙы дауалау өсөн дә ҡулланырға ярай. Элек бындай дарыуҙар менән ҡырағай һәм төрлө конкурстарҙа ҡатнаштырыу өсөн сит илдән Рәсәйгә алып киленгән хайуандарҙы ғына дауаларға ярай ине.

Сығанаҡ: https://futurerussia.gov.ru